Велича́ем вас,

святи́телие Христо́вы

Пе́тре, Алекси́е, Ио́но, Фили́ппе и Ермоге́не,

и чтим святу́ю па́мять ва́шу:

вы бо мо́лите за нас

Христа́ Бо́га на́шего.

Первопресто́льников прее́мниче,

сто́лпе Правосла́вия, и́стины побо́рниче,

но́вый испове́дниче, святи́телю Фили́ппе,

положи́вый ду́шу за па́ству твою́,

те́мже я́ко име́я дерзнове́ние ко Христу́,

моли́ за град же и лю́ди,

чту́щия досто́йно святу́ю па́мять твою́.